Bibelhistorie på samisk
Arkiv i Nordland
Jårggålibme dárogielas sámegiellaj le dagádum Nils Stockflethas (1787-1866). Stockfleth låhkågådij teologiav suodjalusbargos maŋŋela, ja ámmáteksámav jagen 1825 váldij. Eksáma maŋŋela suohkanbáhppan Čáhcesuollun sjattaj. Dan ájge lij dåssju akta báhppa ålles Lulle-Finnmárkon. Stockfleth åhpaj sámegielav ja ratjádij vaj sáme álmmuk galgaj máhtov åttjudit ja rámáthiståvråv ietjasa giellaj oadtjot. Báhppan Stockfletha mielas lij dárbulasj sámegielaga rámáthiståvrråj oahpástuvvin sæmmi gå ietjá viesása. Jagen 1848 Stockfleth oajvvadij oajválattjajda gájkka báhpa gudi galggin Nuorttalin Vuonan barggat, hæhttujin eksámav sámegiellaj tjadádit. Oajvvadus Ggl. Resulosjåvnnån sæmmi jage mierreduváj, valla hármmis binnedum versjåvnnån Stockfletha ieme oajvvadusás. Sån ávot sidáj báhpa ja aj åhpadiddje Finnmárkon, Romsån ja oasse Nordlándan lulun sámegielav buktet. Oajvvadusán oajválattjajda nammadij dájt guovlojt: Ålles Finnmárkko, Romså prostia (dsj. Nuortta Romsså) ja suohkana Ivvárstádit, Trondenes, Giehtavuotna, Leaŋgáviikka ja Ránájsuolu. Nordlándan: Skierrestáde, Sáltovuobme, Ofuohttá, Lådik, Fuolldá, Raane, Hemnes, Vaapste, ja Kråangke Nuortta-Trøndelágan. Almmavuodan mærrádus guoskaj dåssju báhpajda gudi galggin Finnmárkon dievnastit. Stockfleth almodij jagij 1936-40 oahppogirje ja ristalasj tjállusijt, duola dagu rámáthiståvråv oanedum versjåvnåjn vidá måvsesagirjijs. Gåvvå girjes dánna vuollelin.
Nils Stockfleth
Ukjent
1836 rájes Stockfleth lij ienemusát Kristianian, gånnå universitehtan suomagielav ja sámegielav åhpadij. Måttijt guhtalijt lij Guovdagæjnon 1840 jagij.
Stockfletha ájnnasamos sáme girjje lij gal Dr.Martin Luther kristalas poastal jages 1857, mij dálásj ájge vilá aneduvvá ådåstuhtedum versjåvnnån.
Sámij álmmukbiejvve l aktisasj biejvven gájkka sámijda, vájku Vuonan, Svierigin, Suoman jali Ruossjan årru. Duogátjin bæjvváj guovvamáno 6. biejvve le vuostasj sáme rijkatjåhkånibme mij dåladuváj guovvamáno 6. biejve Roandemin. Dat lij vuostasj bále gå nuortta- ja oarrjelsáme moattet rijkas tjåhkanin dágástalátjit ja tjuovggitjit aktisasj ássjijt ja gássjelisvuodajt. 15. sámekonferánssa Helsingin, biehtsemánon 1992, mierredij biejvve galggá ávvudaláduvvat guovvamáno 6. biejve. Sámij álmmukbiejvve vuostasj bále ávvudaláduváj jagen 1993.
Norsk versjon av teksten
Gáldo: Tjálle Harald O. Lindbach
Samenes kristning og finnemisjonen til 1888, Adolf Steen (Egedeinstitutt 1954)
Næhttasadje Wikipedia
Oversatt til lulesamisk av Heidi Birgitta Andersen, Sáme giellakonsulænnta/Samisk språkkonsulent